ACTIVIDADES

Xornada de Limpeza e Convivencia nos Campos de Alongos: 

A pasada fin de semana, os campos de Alongos foron testemuñas dunha xornada exemplar de limpeza e convivencia organizada por Maby e coa colaboración da Comunidade de Montes, onde un grupo de voluntarios uníronse para embelecer e coidar as nosas instalacións, a contorna natural e as áreas deportivas.

Dende as primeiras horas da mañá, os voluntarios dedicáronse con entusiasmo á limpeza de diversas áreas, intentando que cada recuncho dos campos quedase impecable. Este labor non só mellorou o aspecto visual do lugar, senón que tamén contribuíu á preservación do medio ambiente e a fomentar o respecto pola nosa contorna natural. O remate procedeuse a plantar unha árbore para recordar o día.

A xornada non só centrouse no traballo. Os participantes tamén puideron gozar dunha variada oferta de actividades recreativas. A música animou o ambiente, creando unha atmosfera festiva que motivou a todos os presentes. Os máis pequenos, e algúns non tan pequenos, divertíronse cos inchables, mentres que outros optaron por unha relaxante experiencia en kaiaks.

Ademais, a xornada incluíu un momento para compartir deliciosas viandas que axudaron a repoñer forzas despois do arduo traballo. Este espazo foi ideal para fomentar a convivencia entre os veciños. 

Queremos expresar o noso máis sincero agradecemento ás empresas colaboradoras, cuxo apoio foi fundamental para o éxito desta actividade, tanto para a provisión de alimentos e bebidas como regalos para o sorteo celebrado. Coren, Begoña co seu espectáculo musical, Panadería Fernández, Viña Costeira, Castro Casado, AECC, Montse Alvarez, La próxima Aventura......

Grazas a todos os asistentes  pola súa participación e compromiso!